Die doelstelling van die Trust vir Afrikaanse Kuns Kultuur en Erfenis (TAKKE) is die bevordering, vooruitgang en bewaring van die Afrikaanse kuns, kultuur en erfenis deur finansiële ondersteuning aan effektiewe vennootskappe of die inisiëring van toepaslike Suid-Afrikaanse projekte ter ondersteuning van die Afrikaanse kuns, kultuur en erfenis.
Oor ons
Die Dagbreek Trust het in 2018 die Trust vir Afrikaanse Kuns Kultuur en Erfenis as ‘n openbare weldaadsorganisasie (OWO) opgerig om die Afrikaanse kultuur te ondersteun. Sedert registrasie van TAKKE in 2018 funksioneer die twee trusts onafhanklik van mekaar, hoewel die trusts sekere administratiewe dienste deel. Al die trustees van TAKKE is ook trustees van die Dagbreek Trust.
Die Trust vir Afrikaanse Kuns Kultuur en Erfenis se registrasienommer: IT 2677/2018(T)
Trustees
Theuns verwerf tussen 1972 en 1989 B-grade in regte en teologie, en ’n meestersgraad en doktorsgraad in teologie aan die destydse PU vir CHO.
Astrid het in 1979 ’n BA-graad aan die Universiteit van Pretoria verwerf, asook ’n honneursgraad (sielkunde) aan dieselfde universiteit in 2007.
Flip het in 1988 ’n graad in Kommunikasiekunde aan die voormalige Potchefstroomse Universiteit verwerf met staatsleer as ander hoofvak.
Steinman behaal sy BCom-graad (Rekeningkunde) in 1973 aan die Noordwes-Universiteit (voorheen PU vir CHO). In 1977 behaal hy ook ’n BIuris-graad, waarna hy sy LLB in 1979 voltooi.
Roedolf van der Westhuizen het sy skoolloopbaan aan die Afrikaanse Hoër Seunskool voltooi, waarna hy sy liefde vir syfers en besigheid aan die Potchefstroomse Universiteit ontwikkel het.
Charles het in 1970 ’n BSc-graad aan die Universiteit van Pretoria behaal en het in 1982 as aktuaris gekwalifiseer.
Colin verwerf tussen 1989 en 1997 onder meer ’n BA- (BD) en ’n Mdiv-graad in teologie aan die Universiteit van Pretoria.
Piet sluit na skool as beroepsoldaat by die SAW aan. Hy neem eervolle ontslag uit die weermag en behaal ’n THOD aan die Onderwyskollege Goudstad.
Martie het in 1979 ’n BCom-graad in rekeningkunde aan die Universiteit van Pretoria behaal. In 2001 het die Noordwes-Universiteit ’n MBA aan haar toegeken.